arbie Hsu និងស្វាមី Wang Xiaofei តែងត្រូវប្រព័ន្ធផ្សព្វផ្សាយជាច្រើនលើកយកមកចុះផ្សាយ ជាពិសេសចាប់តាំងពីពួកគេទាំង ២ចាប់ផ្ដើមទាក់ទងគ្នាតាំងពីឆ្នាំ ២០១០ មកម្ល៉េះ។
ក្រោយមក ពេលរៀបការបាន ២ឆ្នាំដំបូង ក៏មានព័ត៌មានជាច្រើនចុះផ្សាយតៗគ្នា និងបង្កើតជាចម្ងល់ថា ហេតុអ្វីពួកគេនៅតែគ្មានកូន? រហូតដល់ឆ្នាំ ២០១៣ ខណៈ Barbie (សាន់ឆាយ) ប្រកាសថានាងមានទម្ងន់ ទើបមានការស្ងប់ស្ងាត់ទៅវិញ។
ដោយឡែកកាលពីពេលថ្មីៗនេះ តួស្រីសាន់ឆាយ រូបនេះបានសរសេរសារបង្ហោះលើគណនី Weibo ថា៖ "អ្នកត្រូវប្រឹងប្រែងធ្វើការ និងពុះពារគ្រប់ឧបសគ្គដើម្បីទទួលបានសុភមង្គលក្នុងជីវិត។ មិនមែនសុទ្ធតែគ្រប់រឿងដែល មនុស្សយើងកើតមកអាចយកឈ្នះទេ គ្រាន់តែពេលខ្លះពួកគេមិននិយាយពីឧបសគ្គដែលនៅពីក្រោយ តែពួកគេចង់ផ្ដល់ក្ដីសង្ឃឹមទៅកាន់អ្នកដទៃឲ្យចេះតស៊ូក្នុងជីវិត”។
ត្រឹមតែសារមួយឃ្លានេះ ធ្វើឲ្យអ្នកគាំទ្រនាងមួយចំនួន នាំគ្នាសន្និដ្ឋានថា នាងប្រហែលមានបញ្ហាទាក់ទងនឹងការងារ ឫជីវិតគូរបស់នាងហើយ ហេងស៊យអាចដល់ថ្នាក់លែងលះទៀត។ ភ្លាមៗ ដើម្បីកុំឲ្យមានការយល់ច្រឡំ ភរិយាអ្នកជំនួញវ័យក្មេងរូបនេះបាន ឆ្លើយតបទៅកាន់ អ្នកគាំទ្ររបស់នាងទាំងនោះថា តាមពិតនាងពិតជាខំធ្វើការមែន និងបានអរគុណសម្រាប់ការបារម្ភ។ ចំពោះមតិយល់ឃើញដែលថានាង អាចលែងលះ អតីតតារាស្រីរូបនេះបានបដិសេធភ្លាមៗ ដោយនិយាយថា៖ "វាមិនអាចទៅរួចទេ ដែលខ្ញុំត្រូវលែងលះ ព្រោះខ្ញុំ និងស្វាមីស្រឡាញ់គ្នាសឹងអី”។
ចាត់ទុកថា នេះជារឿងសាមញ្ញមួយដែលតែងកើតឡើងចំពោះតារាល្បីៗ ព្រោះជាទូទៅ ពួកគេតែងទទួលបានការចាប់អារម្មណ៍ពីមហាជន ដូចនេះមានអ្វីប្លែកបន្តិច គឺសុទ្ធតែត្រៀមខ្លួនរងព័ត៌មានផ្សេងហើយ៕
शेयर अनुच्छेद
संबंधित लेख
Let's Comment
Post a Comment