ប្រធានាធិបតីអាមេរិក បានបញ្ជាក់ថា ការវាយប្រហារដោយកងទ័ពអាមេរិកលើប្រទេសកូរ៉េខាងជើង គឺមិនអាចបញ្ចៀសបានទេ ប៉ុន្ដែវានឹងកា្លយជាថ្ងៃដែលក្រៀមក្រំសម្រាប់កូរ៉េខាងជើង ប្រសិនបើវាកើតឡើងមែន។ ការបញ្ជាក់របស់ប្រធានាធិបតីអាមេរិករូបនេះ បានធ្វើឡើងក្នុងសន្និសីទកាសែត ក្រោយជំនួបទ្វេភាគីជាមួយមេដឹកនាំគុយវ៉ែត នៅសេតវិមាន កាលពីថ្ងៃទី០៧ ខែកញ្ញា ម្សិលមិញ។
ជាងនេះទៅទៀត ប្រធានាធិបតីអាមេរិករូបនេះ បានបញ្ជាក់ថា កូរ៉េខាងជើងកំពុងតែបង្ហាញឥរិយាបថដ៏អាក្រក់ ហើយវាត្រូវតែឈប់ជាបន្ទាន់។
ការលើកឡើងរបស់ ដូណាល់ ត្រាំ ជុំវិញបញ្ហាកូរ៉េខាងជើងសាជាថ្មីនេះ គឺក្រោយរដ្ឋាភិបាលក្រុងព្យុងយ៉ាង កាលពីថ្ងៃទី០២ កញ្ញា កន្លងទៅ បានធ្វើតេស្ដគ្រាប់បែកនុយក្លេអ៊ែរ ដែលអាចបំពាក់លើមីស៊ីលរយៈចម្ងាយឆ្ងាយ ដែលការវិវត្តថ្មីនេះ បានបង្កការព្រួយបារម្ភចំពោះសហរដ្ឋអាមេរិក និងសម្ព័ន្ធមិត្ត៕
शेयर अनुच्छेद
संबंधित लेख
Let's Comment
Post a Comment